ក្រុមចោរឆក់៣នាក់ ត្រូវបាននគរបាលចាប់ខ្លួនបញ្ជូនទៅតុលាការ
23-August-2018 | ដោយ ពលមនសិការ
ភ្នំពេញ ៖ លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ សហការជាមួយប៉ុស្តិ៍នគរបាលព្រែកប្រា នៃអធិការដ្ឋាននគរបាលខណ្ឌច្បាអំពៅ បានដឹកនាំកម្លាំងជំនាញស្រាវជ្រាវឃាត់ខ្លួនជនសង្ស័យ៣នាក់ករណីលួចមានស្ថានទម្ងន់ទោស(ឆក់ទ្រព្យសម្បត្តិ) ចំនួន ០៤ ករណី។ លោកនាយការិយាល័យបន្តថាក្រុមជនសង្ស័យត្រូវបានកម្លាំងជំនាញឃាត់ខ្លួនកាលពីថ្ងៃទី២០ ខែសីហា ឆ្នាំ ២០១៨។
ករណីទី១៖ក្រុមជនសង្ស័យធ្លាប់ធ្វើសកម្មភាពលួចមានស្ថានទម្ងន់ទោស (ឆក់កាបូបស្ពាយពណ៌ផ្ទៃមេឃ) នៅចំណុចមុខផ្ទះលេខ២២៩ ផ្លូវព្រះនរោត្តម ភូមិ៨ សង្កាត់បឹងកេងកងទី១ ខណ្ឌចំការមន រាជធានីភ្នំពេញកាលពីថ្ងៃទី១៩ ខែឧសភា ឆ្នាំ២០១៨ វេលាម៉ោងប្រហែល០៥និង៣៥នាទី។ ជនរងគ្រោះឈ្មោះ លីវ តៃហ័រ (LIU DAI HUA) ភេទ ប្រុស អាយុ៣១ឆ្នាំ ជនជាតិចិន មានទីលំនៅបច្ចុប្បន្នផ្ទះលេខ៧ ផ្លូវលេខ៣២២ ភូមិ៨ សង្កាត់បឹងកេងកងទី១ ខណ្ឌចំការមន រាជធានីភ្នំពេញ មុខរបរពាណិជ្ជករ។
សម្ភារៈបាត់បង់ៈកាបូបស្ពាយ ពណ៌ផ្ទៃមេឃ ចំនួនមួយ, កូនកាបូបលុយពណ៌ខ្មៅមួយ, លិខិតឆ្លងដែនលេខ EA ៤០៣២៩០៧ ចំនួន ០១ ក្បាល, ប្រាក់ដុល្លារចំនួន ១០,០០០ ដុល្លារអាមេរិក, កាតធនាគារចំនួន ០៧ សន្លឹក,អាវយឺតកីឡាចំនួន ០២ ឈុត។
ករណីទី២៖ក្រុមជនសង្ស័យធ្លាប់ធ្វើសកម្មភាពលួចមានស្ថានទម្ងន់ទោស (ឆក់កាបូប) នៅចំហៀងសណ្ឋាគារ TOKYO INN ផ្លូវសប៊ិត សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី០៨ ខែមេសា ឆ្នាំ២០១៨ វេលាម៉ោងប្រហែល១៧និង៣០នាទី។
ករណីទី៣៖ក្រុមជនសង្ស័យធ្លាប់ធ្វើសកម្មភាពលួចមានស្ថានទម្ងន់ទោស (ឆក់កាបូបយួរដៃពណ៌ខ្មៅ) នៅចំណុចផ្លូវលេខ៦៣ មុខសណ្ឋាគារ សង់អាលីហ្សេ សង្កាត់បឹងកេងកង១ ខណ្ឌចំការមន រាជធានីភ្នំពេញ កាលពីថ្ងៃទី១៧ ខែមិថុនា ឆ្នាំ២០១៨ វេលាម៉ោងប្រហែល១៤និង២០នាទី ពីបុរសជនជាតិចិន កំពុងដើរម្នាក់ឯង។
ករណីទី៤៖ក្រុមជនសង្ស័យធ្លាប់ធ្វើសកម្មភាពលួច(ឆក់ទ្រព្រព្យសម្បត្តិ) និងប្រើប្រាស់ដោយខុសច្បាប់នូវសារធាតុញៀន នៅចំណុចមុខផ្ទះលេខ៧ ផ្លូវសុធារស ភូមិទី៣ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី១៣ ខែមេសា ឆ្នាំ ២០១៨ ។
លោកនាយការិយាល័យបន្ថែមថាជនសង្ស័យដែលឃាត់ខ្លួនទី១-ឈ្មោះ យឹម ភារុន ភេទប្រុស អាយុ២៦ឆ្នាំ ជនជាតិខ្មែរ
មុខរបរ មិនពិតប្រាកដ ស្នាក់នៅផ្ទះមិនចាំលេខ ផ្លូវលំ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ មានដីកាបង្គាប់ឲ្យចាប់ខ្លួនលេខ ៤០១ដ.ច.ន ចុះថ្ងៃទី១៣ ខែមិថុនា ឆ្នាំ២០១៨ ចេញដោយលោក ថាន់ ឡេង ចៅក្រមស៊ើបសួរសាលាដំបូងរាជធានីភ្នំពេញ ឃាត់កាលពីខ្លួនថ្ងៃទី២០ ខែ សីហា ឆ្នាំ២០១៨ វេលាម៉ោង១៧និង៣០នាទី នៅចំណុចក្បែរប៉ុស្តិ៍នគរបាលរដ្ឋបាលព្រែកប្រា សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។ ទី២-ឈ្មោះ កៅ ក្វេងហុង ហៅ ភួង សុវណ្ណារ៉ូ ភេទប្រុស អាយុ២២ឆ្នាំ ជនជាតិខ្មែរ មុខរបរ ជាងថតរូប ស្នាក់នៅផ្ទះលេខ ៥A ផ្លូវលេខ ៣៣៤ សង្កាត់ បឹងសាឡាង ខណ្ឌ ទួលគោក ឃាត់ខ្លួនថ្ងៃទី២០ ខែ សីហា ឆ្នាំ២០១៨ វេលាម៉ោង២២ និង៣០នាទី នៅចំណុច ក្រោយរោងភាពយន្តគីរីរម្យ សង្កាត់បឹងកេងកង២ ខណ្ឌចំការមន រាជធានីភ្នំពេញ។ ទី៣-ឈ្មោះ ម៉ន រតនៈ ហៅណាក់តូច ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះលេខ៩៤E២ ផ្លូវលេខ១៣០ សង្កាត់ផ្សារកណ្តាល២ ខណ្ឌដូនពេញ រាជធានីភ្នំពេញ ឃាត់ខ្លួនថ្ងៃទី២០ ខែសីហា ឆ្នាំ២០១៨ វេលាម៉ោង២២និង៣០នាទី នៅចំណុចក្រោយរោងភាពយន្តគីរីរម្យ សង្កាត់បឹងកេងកង២ ខណ្ឌចំការមន រាជធានីភ្នំពេញ។
បច្ចុប្បន្នជនសង្ស័យទាំង០៣នាក់ខាងលើ ការិយាល័យបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ4351
- ម្សិលមិញ16391
- សប្តាហ៍នេះ50581
- ខែនេះ165731
- ឆ្នាំនេះ165731
- សរុប20608187